Gústanos traballar con xente, axudar, formar, enriquecer, dar unha visión mais optimista do mundo, estimulalos a mergullarse en si mesmos, mostrar camiños alternativos, encontrar o propio e impulsalos a descubrir, a experimentar con todo, a ser capaz de vivir aportando algo mais. Tratamos de traballar sentíndonos a gusto co que facemos, e tratando de involucrarnos en proxectos diferentes, novos, innovadores cun desexo do desenrolo do ser humano. Esta é a orientación do Grupo Baobab.

As nosas propostas de traballo son:

• Programas específicos de formación para mediadores sociais e profesionais.
• Elaboración de programas adaptados ós centros educativos (contidos, obxectivos, áreas, ciclos, actividades, temporalización).
• Coordenación e apoio continuo cos orientadores/as.
• Obradoiros formativos para as ANPAS: escolas de Familias.
• Formación específica ó profesorado: prevención drogodependencia, habilidade de comunicación, temas transversais.
• Habilidades para a linguaxe oral e escrita.
• Plans de acción titoriais: dinámicas para as titorias, habilidades sociais, comunicación.
• Obradoiros de desenvolvemento persoal para rapaces: habilidades sociais, educación en valores, expresión corporal, fomento de vida saudable.
• Logopedia preventiva para mestres, pais e nenos.
• Xornadas de divulgación para poboación en xeral.